کچھ تو آواز سے شک پڑتا ہے
پھر وہ کنگن بھی کھنک پڑتا ہے
کیسے ساحل سے سمندر دیکھوں
میرے زخموں پہ نمک پڑتا ہے
راز دار ایک کنواں تھا اپنا
آج کل وہ بھی چھلک پڑتا ہے
چھوٹے چھوٹے سے ہیں رشتے لیکن
واسطہ قبر تلک پڑتا ہے
اشک جیسے مرا ہمسایہ ہو
وقت بے وقت ٹپک پڑتا ہے
اس کے سائے پہ نہ رہنا مرے دوست
یہ شجر بیچ سڑک پڑتا ہے
Gazal:
kuch to aavaaz se shak pa.Dtaa he
phir vo ka.ngan bhii khanak pa.Dtaa he
kaise saahil se samunder dekhuu.n
mere zaKHmo.n pa namak pa.Dtaa he
raazdaar ek ku.aa.n thaa apnaa
aaj kal vo bhii chhalak pa.Dtaa he
chhoTe chhoTe se hai.n rishte lekin
vaasta qabr talak pa.Dtaa he
ashk jaise maraa ham-saaya ho
vaqt be-vaqt Tapak pa.Dtaa he
Is k saeey pe na rahnaa mere dost
ye shajer beech sa.Dak pa.Dtaa he