کچھ آتا جاتا نہیں تھا مجھے، سوائے جنوں
سو وقت وقف کیا، سب کا سب، برائے جنوں
یہ میرا خاکہ ہے بچپن کا، وہ لڑکپن کا
یہ ابتدائے جنوں تھی، وہ انتہائے جنوں
شبِ شعور میں دو نور، میر اور منصور
ہے اک خدائے سخن، دوسرا خدائے جنوں
خدا کا شکر، مرے گرد تھا خلا کا حصار
لگی تو کان تک آئی نہیں صدائے جنوں
ہمارا جرم تفکّر تھا، آگہی تھی گواہ
نتیجتاً ہمیں دے دی گئی سزائے جنوں
بس احتیاطی تدابیر پر عمل ہے علاج
کہ دستیاب نہیں ہے ابھی دوائے جنوں
مجھے جنوں کا پتہ ہے، یہ ویسا کچھ بھی نہیں
ترے لئے تو ہے کچھ دل میں ماورائے جنوں
اسے بدن نظر آتا تھا اور خاک مجھے
وہ مبتلائے ہوس تھا، میں مبتلائے جنوں
یہ سرخ آنکھ، ہرے زخم، زرد ہاتھ، عمیر!
مرے بدن پہ نمایاں ہیں رنگ ہائے جنوں
عمیر نجمی
Ghazal
Kuch aata jaata nahiN tha mujhay, siwaaye junooN
So waqt waqf kia, sab ka sab, baraaye junooN
Ye mera khaaka hai bachpan ka, wo laRakpan ka
Ye ibtedaaye junooN thi, wo intehaaye junooN
Shab-e-shaoor maiN do noor, Meer aur Mansoor
Hai ik khudaaye sukhan, dusra khudaaye junooN
Khuda ka shukr, meray gird tha khala ka hisaar
Lagi to kaan tak aayi nahiN sadaaye junooN
Hamara jurm tafakkur tha, aagahi thi gawaah
Nateejatan hamaiN de di gayi sazaaye junooN
Bas ehtyaati tadaabeer par amal hai ilaaj
K dastyaab nahiN hai abhi dawaaye junooN
Mujhay junooN ka pata hai, ye waisa kuch bhi nahiN
Teray liay to hai kuch dil main mawaraaye junooN
Usay badan nazar aata tha aur khaak mujhay
Wo mubtelaaye hawas tha, maiN mubtelaaye junooN
Ye surkh aankh, haray zakhm, zard haath, Umair!
Meray badan pe numayaaN haiN rang haaye junooN
Umair Najmi
غزل
جاؤ! مجھے ڈراؤ نہ کارِ ملال سے
یہ کام کر رہا ہوں میں بتیس سال سے
پہلے تو ناخنوں سے تراشے کئی پہاڑ
پھر اس کے بعد زخم کریدے کدال سے
کُھلتی تھی اک مکان کی کھڑکی، جنوبی سمت
سورج طلوع ہوتا تھا میرا شمال سے
ایسا نہیں کہ ہجر ہوا مجھ میں صرف جذب
ظاہر بھی ہو رہا ہے مرے خدوخال سے
یہ زخم اُس کا آخری تحفہ ہے، کچھ کرو!
کچھ بھی کرو! بچاؤ اِسے اندمال سے
اک ہجرِ ممکنہ مرے کافی قریب ہے
دیمک ذرا سی دور ہے لکڑی کے ٹال سے
قبل از سفر، درونِ سفر، بعد از سفر
کہتا تھا کوئی کان میں :" نجمی! خیال سے!"
عمیر نجمی
Ghazal
Jao! mujhay darao na kaar-e-malaal se
Ye kaam kar raha hooN maiN bat'tees saal se
Pehlay to naakhunoN se taraashay kai pahaaR
Phir us k baad zakhm kuraiday kudaal se
Khulti thi ik makaan ki khirki, janoobi samt
Sooraj taloo' hota tha mera shumaal se
Aisa nahiN k hijr hua mujh main sirf jazb
Zaahir bhi ho raha hai meray khadd-o-khaal se
Ye zakhm uska aakhri tohfa hai, kuch karo!
Kuch bhi karo! Bachaao isay indemaal se
Ik hijr-e-mumkina meray kaafi qareeb hai
Deemak zara si duur hai lakRi k taal se
Qabl az safar , daroon-e-safar , baad az safar
Kehta tha koi kaan maiN:" Najmi! khyaal se!"
Umair Najmi
چاہتا ہوں کہ نظر، نور سے مانوس نہ ہو
روشنی ہو، مگر اتنی ہو کہ محسوس نہ ہو
اب یہ زردی بھی بھگتنا تو پڑے گی کچھ دن
میں نہ کہتا تھا، ہرے رنگ میں ملبوس نہ ہو!
عمیر نجمی
Chahta hooN k nazar, noor se maanoos na ho..
Roshni ho, magar itni ho k mehsus na ho.
Ab ye zardi bhi bhugatna to paRay gi kuch din..
MaiN na kehta tha, haray rang maiN malboos na ho!
Umair Najmi
جنون میں کر دیا تھا کب کچھ ،نہیں پتہ تھا
میں عشق میں مبتلا تھا تب، کچھ نہیں پتہ تھا
پتہ چلا. جب پتہ کیا سب سے اُس کے بارے
مجھے بہت کچھ پتہ تھا، سب کچھ نہیں پتہ تھا
یہ ڈھونڈتے ہو جو اب جنوں سے فرار کی راہ
تم اِس طرف آئے کیوں تھے جب کچھ نہیں پتہ تھا؟
سمجھ نہیں آ رہی تھی، روؤں، پھِروں کہ سوؤں
تھی ہجر کی پہلی پہلی شب، کچھ نہیں پتہ تھا
مجھے بس اتنا پتہ تھا، افسردگی بہت ہے
نتیجہ، دورانیہ، سبب، کچھ نہیں پتہ تھا
پتہ تھا جب کوئی پوچھے گا، "کچھ ہے آپ کے بیچ؟"
تو اُس نے کہنا ہے، "تھا.. پر اب کچھ نہیں".. پتہ تھا!
میں چومتا تھا وہ ہاتھ دیوانہ وار، نجمی!
وہ خبط تھا، عشق یا ادب، کچھ نہیں پتہ تھا
عمیر نجمی
Taaza Ghazal
Junoon maiN kar dia tha kab kuch, nahiN pata tha
MaiN ishq maiN mubtala tha tab, kuch nahiN pata tha
Pata chala jab pata kia sab se us k baaray
Mujhay bohat kuch pata tha, sab kuch nahiN pata tha
Ye dhoondtay ho jo ab junooN se faraar ki raah
Tum is taraf aye kyuN thay jab kuch nahiN pata tha?
Samajh nahiN aa rahi thi, rouN, phiruN k souN
Thi hijr ki pehli pehli shab, kuch nahiN pata tha
Mujhay bas itna pata tha afsurdagi bohat hai
Nateeja, daurania, sabab, kuch nahiN pata tha
Pata tha jab koi puchay ga, "kuch hai aap k beech?"
To us ne kehna hai, "tha .. par ab kuch nahin"..pata tha!
MaiN choomta tha wo haath dewaana waar, Najmi!
Wo khabt tha, ishq ya adab..kuch nahiN pata tha
Umair Najmi.