یہ اس کی محبت ہے کہ رکتا ہے ترے پاس
ورنہ تری دولت کے سوا کیا ہے ترے پاس
دریا کے تجاوز کا برا ماننے والے
دریا کا ہی چھوڑا ہوا رقبہ ہے ترے پاس
اب بھی تجھے لگتا ہے کہ آزاد نہیں تو
ہر رنگ کا ہر طرز کا برقعہ ہے ترے پاس
وہ تجھ سے ذہانت میں کہیں آگے کھڑی ہے
تھوڑا سا مگر حسن زیادہ ہے ترے پاس
اوروں کی بھی قسمت کا صلہ ملتا ہے تجھ کو
ایسا کوئی قسمت کا ستارہ ہے ترے پاس
سمجھیں تو اشارہ ہے یہ قدرت کی طرف سے
تنہائی مرے پاس ہے کمرہ ہے ترے پاس
تقسیم بھی تقسیم نہیں لگتی کسی کو
دیوار اٹھانے کا سلیقہ ہے ترے پاس
مذکور یہی رات ہے دریا کے کنارے
مذکور یہی آخری موقعہ ہے ترے پاس
yeh Us ki mohabbat hai ke rukta hai tre paas
warna tri doulat ke siwa kya hai tre paas
darya ke tajawaz ka bura maan-ne walay
darya ka hi chorra huwa Raqba hai tre paas
ab bhi tujhe lagta hai ke azad nahi to
har rang ka har tarz ka burqa hai tre paas
woh tujh se zahanat mein kahin agay khari hai
thora sa magar husn ziyada hai tre paas
ouron ki bhi qismat ka sila milta hai tujh ko
aisa koi qismat ka sitara hai tre paas
samjhain to ishara hai yeh qudrat ki taraf se
tanhai marey paas hai kamrah hai tre paas
taqseem bhi taqseem nahi lagti kisi ko
deewar uthany ka saleeqa hai tre paas
mazkoor yahi raat hai darya ke kinare
mazkoor yahi aakhri moqa hai tre paas