Sun Meri Dua Mola!Ahbab Salamt Rakh||Beautiful Prayer
سن میری دعا مولا ! احباب سلامت رکھ
اِس دورِ گراں میں تو اعصاب سلامت رکھ
یہ وقت بھی گزرے گا، یہ بوجھ بھی اترے گا
تو شانہ بہ شانہ رہ ، اسباب سلامت رکھ
ہر سمت ہے بربادی ، ہر سمت دہائی ہے
آنکھوں کی حفاظت کر اور خواب سلامت رکھ
جاں چھوٹے کہیں دکھ سے، ہم جی تو سکیں سکھ سے
ہم درد کے ماروں کو شاداب، سلامت رکھ
دل سے ہے دعا ربّا ، فِتنوں سے بچا ربّا
اِس زیست کو کرنے کے آداب سلامت رکھ
شبّیر نازش