New Udas Poetry 2022||Urdu shayari by Shezad Neyer

admin

New Udas Poetry 2022||Urdu shayari by Shezad Neyer

Shezad Neyer Is famous urdu poet of pakistan.His urdu Nazmen very famous.Here you read his new urdu poetry 


سامان وہ رکھا ہے قرینے سے ہمارا

اب کوچ ضروری ہے مدینے سے ہمارا


اس نے ہمیں تاریخ کے تہ خانے میں رکھا 

سو رزق اترتا رہا زینے سے ہمارا


اک یاد کے نقشے پہ کھنڈر کھود رہے ہیں

اک خواب نکلنا ہے دفینے سے ہمارا


جس دن سے وہ بچھڑا ہے سیے جاتے ہیں سینہ

جی بھرتا نہیں سینے کے سینے سے ہمارا


برداشت کیے جائیں ترے عہد_ ستم کو

ایسا بھی تعلق نہیں جینے سے ہمارا


لگتا ہے تری ڈور کہیں اور بندھی ہے

جو رابطہ ٹوٹا ہے مہینے سے ہمارا 


یہ بوجھ نہیں، بوجھ اٹھانے کے لیے ہے

مت ہاتھ ہٹانا کبھی سینے سے ہمارا


حیران تکے جاتے ہیں ہم یاروں کے چہرے 

پڑتا ہے عجب واسطہ کینے سے ہمارا


وہ آنکھ اٹھے یا نہ اٹھے اپنی بلا سے

اب ربط بہت خاص ہے پینے سے ہمارا


شہزاد نیر