Naseem Shaikh Poetry in Urdu is famous among poetry lovers. Everyone love to read Naseem Shaikh Urdu Shayari. Best and vast collection of Naseem shaikh Urdu Shayari is available at best urdu poetry for u. We update it regularly so that you don’t miss any latest Naseem shaikh Poetry in Urdu.
GHAZAL NO 1 :
اے دل تو مرے واسطے اس بار دعا کر
اک شخص روانہ ہوا اوقات دکھا کر
تنہائی ملی آنسو ملے ہجر ملا ہے
اک راز فقط دل کا زمانے کو بتا کر
کہنے کو بھلا اپنی صفائی میں کہوں کیا
دیوار سے جب خوش ہوں میں خود کو ہی لگا کر
جب وقت مرا آئے گا کہہ دوں گا میں سب کچھ
رکھی ہے بہت میں نے بھی آواز بچا کر
کرلوں گا میں اس ہجر کی شدت کو بھی تسخیر
اک منشی کو کاندھے کہ محبت سے پٹا کر
میں دشتِ پریشاں سے غزل کہنے کی خاطر
پہنچا ہوں کئی آبلے پیروں میں سجا کر
لے آئی مجھے کھینچ کے بازار میں قسمت
قد کاٹھ یہ اوقات سے کچھ میرا بڑھا کر
دے دوں گا تجھے تیرے دھڑکنے کا صلہ میں
اے دل تو زمانے سے نہیں مجھ سے وفا کر
اک دو نہیں چھ سات ہیں اس شہر میں ایسے
جو زیر و زبر کر تے ہیں دل ہاتھ ملا کر
یہ رنج و الم کم تھے کہ یہ موجِ نسیمی
منسوب ہوئی مجھ سے مری سانسیں پھلا کر
نسییم شیخ
GHAZAL NO 2 :
مجھ سے آباد کرایا گیا وہ شہرِ سخن
جس میں سوچوں کو ملا حرف کا انمول بدن
میرا حاصل ہے محبت کی عبادت میں یہی
ایک آنکھوں کی نمی دوسری چہرے کی تھکن
پہلے تنہائی کو حاوی کیا خود پر میں نے
پھر کہیں جاکے سہی خون کے رشتوں کی چبھن
سانس لینے کے بھی پڑ جاتے ہیں لالے اس میں
ایسی ہوتی ہے محبت میں محبت کی گھٹن
پیاس اشکوں سے بجھاتے ہوئے سورج کی سنو
منتقل مجھ میں ہوا خود سے ہی جل جانے کا فن
کس کو اپنا کہے اور کس کو پرایا سمجھے
زندگی نام کے صحرا میں بھٹکتا ہوا من
میں نے آواز لگائی تھی فقظ بہروں کو
ہوگئی منزلِ مقصود مری دارِ رسن
خواہشیں مار کے تسخیر کیا ہے میں نے
شورشِ غم سے پگھلتا ہوا یہ کوہِ دمن
دشتِ حیراں تجھے آنکھوں میں بسایا میں نے
ختم ہو تاکہ مری خود سے یہ ملنے کی لگن
میری آنکھوں میں رہا موجِ نسیمی کا خمار
اس لیے دنیا سمجھتی ہے مجھے شیریں سخن
نسیم شیخ
GHAZAL NO 3 :
جو مجھ میں ہے کیا اس کا بھلا نام و نسب ہے
اس کھوج میں رہنا مرے جینے کا سبب ہے
اے کاش کوئی پوچھ لے اک بار یہ مجھ سے
کس بات کا غم ہے مجھے کیا میری طلب ہے
میں اپنی ہی جاگیر میں ہوں ایک مسافر
یہ عام سی اک بات بھی کیا بات عجب ہے
اس بار تو آنا ہے مجھے اپنی ہی زد میں
اس بار زباں پر مری اب ہے نہ کہ تب ہے
کہنے کو تو یہ موت پڑی ہے مرے پیچھے
اور زندگی اس پر مری آرام طلب ہے
کل رات مجھے خواب میں دکھلائی وہ بستی
جس بستی میں روٹی کو مکیں کہتے ہیں رب ہے
رکھ لوں تجھے تقدیر کا عنوان بنا کر
لیکن یہاں افسوس مری آخری شب ہے
روتی ہیں مرے حال پہ تنہائی کی آنکھیں
یہ حال مرا پہلے کہاں تھا جو یہ اب ہے
سر پھوڑتا میں رہ گیا مانی نہ کسی نے
یہ عالمِ بے چارگی بھی یار غضب ہے
جوگی بھی نہیں ہوں نہ میں درویش یہاں پر
میں موجِ نسیمی ہوں خضر میرا لقب ہے